Loading...
Close
25 აპრილი 2018 00:30
მთავარიჩვენს შესახებსერვისებიკონტაქტი
მთავარი თემა
ნიკოლ ფაშინიანი მზადაა, სომხეთის პრემიერ-მინისტრი გახდეს
დღის თემა
ბოძაშვილი პარლამენტს - ამ სიბრიყვის კეთებას, არ ჯობია მიიღოთ კანონი ეროვნული სიწმინდეებისა და საგანძურის დაცვის თაობაზე?!
ეკონომიკა
კომპანია Gebrüder Weiss-ი საქართველოში დამატებით 2 მილიონი ევროს ოდენობის ინვესტიციას განახორციელებს
ახალი ამბები »»»
ვიდეო
სარგსიანი გადადგა - ერევანში ზეიმია
როგორ დაეხმარება დიმიტრი შაშკინი მიხეილ სააკაშვილს - 'პარალელურ სამყაროში' (ვიდეობლოგი)
იზრდება გართობის, დასვენების, კულტურული ღონისძიებების ეკონომიკა - თბილისის ღამის ეკონომიკის პრეზენტაცია 
პოლიტიკასაზოგადოებასამართალირეგიონიკულტურაკონფლიქტებიმსოფლიოანონსი
Facebook
გია ნოდია - საქმე ეხება ძალაუფლების ბოროტად გამოყენებას ქალების სექსზე დაყოლიების მიზნით
გამოქვეყნების დრო – 20 მარტი 2018 00:22
"სამწუხაროდ, არავითარი საფუძველი არა მაქვს არ დავიჯერო ის, რასაც აბრალებენ.", - სახალხო დამცველის მიერ დასახელებული საზოგადოებრივი მაუწყებლის სამეურვეო საბჭოს წევრობის ყოფილი კანდიდატის ზვიად დევდარიანის ირგვლივ სკანდალს პოლიტოლოგი, განათლების ყოფილი მინისტრი გია ნოდია ვრცელი facebook-პოსტით ეხმაურება.

"ვინც ამბობს, რომ ზვიად დევდარიანს სექსუალურ შევიწროებას ტყუილად აბრალებენ, ძირითადად ორი არგუმენტი მოყავს: რომ დამბრალებლები ანონიმურები არიან, და რომ აპრიორი არ უნდა დაუჯერო დამბრალებლებს. იქნებ ბრალდების ობიექტია მსხვერპლი - ოღონდ ცილისწამების?

მეც მირჩევნია, ის ქალები თავის იდენტობას საჯაროდ ასახელებდნენ. შეიძლება, ხვალ ასეც მოიქცნენ. მაგრამ ჩვენს კულტურულ კონტექსტში ეს თავშეკავება, როგორც მინიმუმი, არ უნდა გაგვიკვირდეს. გარდა ამისა, ანონიმურობა აქ შეფარდებითია: მათი ვინაობა იციან უფლებადამცველებმა, სახალხო დამცველსაც შეხვედრიან. ასეთ ვითარებაში „ანონიმშჩიკობის“ არგუმენტი ვერ იმუშავებს.

მეორე არგუმენტი უფრო სერიოზულია: მართლაც, აპრიორი რატომ უნდა დაუჯერო დამბრალებელს? კაცისა და ქალის ურთიერთობა რთულია, უცხოები მასში ადვილად ვერ გაერკვევიან. იქნებ რაღაც ირაციონალური ბოღმა თუ წყენა ამოძრავებს ქალს? მეც გამჩენია პროტესტი ზოგიერთი მსგავსი გახმაურებული ბრალდების დროს: მაგ., როდესაც ანიტა ჰილი, მაშინ ამერიკის უზენაესი სასამართლოს წევრობის კანდიდატს, კლარენს თომასს, რაღაცეებს აბრალებდა, ის კი უარყოფდა. (ეს ის შემთხვევა იყო, როცა გამოთქმა sexual harassment პირველად გახდა პოპულარული). მაშინ გვქონდა ერთი ადამიანის სიტყვა მეორის წინააღმდეგ და მე არ ვიცოდი, რატომ უნდა დამეჯერებინა ერთისთვის და არა მეორისთვის (ბოლოს, ამერიკის სენატმა კლარენს თომასი უზენაეს სასამართლოს წევრად დაამტკიცა და სწორადაც მოიქცა - თუნდაც ბევრს გულში ანიტას ვერსიისა უფრო სჯეროდა).

მაგრამ ეს ის შემთხვევა არ არის. როდესაც ბევრი სხვადასხვა ქალი, ერთმანეთთან კავშირის გარეშე, ძალიან მსგავს ისტორიებს ყვება, ელემენტარული საღი აზრია, დაიჯერო, რომ პრობლემა რეალურია. ამის ალტერნატივაა, წარმოიდგინო რაღაც ფართომასშტაბიანი შეთქმულება ზვიად დევდარიანის წინააღმდეგ. თუ სხვას ვერაფერს გვეუბნებიან გარდა იმისა, რომ ასეთი საყოველთაო შეთქმულების მიზანი ბაია პატარაიას საზოგადოებრივი მაუწყებლის ბორდში გაყვანა იყო ზვიადის მაგივრად, ესე იგი მას და მის დამცველებს არგუმენტი არ ჰქონიათ.

ზვიადი ჩემი მეგობარი და ახლობელი არასოდეს ყოფილა, მაგრამ ვიცნობ და მის მიმართ ყოველთვის კეთილგანწყობილი ვიყავი. ძალიან ვწუხვარ ამ ყველაფრის გამო, მაგრამ, სამწუხაროდ, არავითარი საფუძველი არა მაქვს არ დავიჯერო ის, რასაც აბრალებენ.

და კიდევ ერთი რამ, რაც ბევრმა ვერ გაიგო: საქმე ეხება არა ბანალურ „ბაბნიკობას“ თუ „მექალთანეობას“, არამედ ძალაუფლების ბოროტად გამოყენებას ქალების სექსზე დაყოლიების მიზნით. შეიძლება აქ ფიზიკური ძალადობა არ იყოს, მაგრამ სურათი უამისოდაც საკმარისად მძიმეა, ასე რომ ამხელა სკანდალი ბუნებრივია. არ მეჩვენება, რომ აქ რამე „ხელოვნურად გაბერილია“.

ჩემი აზრით, დიდი მადლობა უნდა გადავუხადოთ „ტაბულას“, მის ჟურნალისტ ხატია ღოღობერიძეს და ორგანიზაციებს, ვინც მათ ეხმარებოდნენ ამ ძალიან მნიშვნელოვანი პრეცედენტის შექმნაში. მე მგონი, მათ ეს მაქსიმალური პროფესიონალიზმით და ეთიკის დაცვით გააკეთეს. ბოდიში კიდევ ერთი გრძელი პოსტისთვის", - აღნიშნავს გია ნოდია.

საინფორმაციო სააგენტო "ეურუსი" - Media agency Eurus.ge
იხილეთ: სახალხო დამცველის შეხვედრა შესაძლო სექსუალური შევიწროების მსხვერპლებთან
ახალი ამბები
ინტერვიუ
ვიდეობლოგი
ანალიტიკა
განათლება
ხელოვნება
ჯანდაცვა/მედიცინა
მედია
ციტატები/ფრაზები
მეცნიერება
რელიგია
საინტერესო
ამინდი
ვალუტის კურსი
რა მოხდა დღეს
არქივი
პერსონა
ბლოგი
მოგზაურობა
ფლორა და ფაუნა
არქიტექტურა
გარემო
გასტრონომია
მოდა/სტილი
ფოტოამბავი
ჰოროსკოპი
ჩვენს შესახებ
სერვისები
კონტაქტი
საინფორმაციო სააგენტო "ეურუსი" - Media Agency Eurus.ge