Loading...
Close
22 სექტემბერი 2018 16:54
მთავარიჩვენს შესახებსერვისებიკონტაქტი
ყველა სიახლეპოლიტიკაეკონომიკასაზოგადოებასამართალირეგიონიკონფლიქტებიმსოფლიოსამხედროსპორტიმედიაანონსი
სამართალი
ზვიად ქორიძე - შეწყალების კომისიამ ვეფხია ბაქრაძესთან დაკავშირებით რატომ მიიღო დადებითი დასკვნა სასჯელაღსრულების სამინისტროდან?
16 აპრილი 2018 15:44
შეწყალების საკითხთა კომისიის თავმჯდომარე ზვიად ქორიძე დეტალურად განმარტავს ბარნოვის ქუჩაზე მკვლელობაში ეჭვმიტანილის და ყოფილი მსჯავრდებულის ვეფხია ბაქრაძის შეწყალებასთან დაკავშირებული გადაწყვეტილების საფუძვლებს. აღნიშნული დოკუმენტაციის შესახებ ზვიად ქორიძემ დღეს საქართველოს პრეზიდენტთან ერთად გამართულ პრესკონფერენციაზე ისაუბრა:

"ვეფხია ბაქრაძე თავდაპირველად სასჯელს იხდიდა ქუთაისის მეორე დაწესებულებაში, ხოლო შემდეგ - თბილისის მეთორმეტე დაწესებულებაში. სწორედ იქიდან გამოიგზავნა საბუთები კომისიაში. გამოგზავნილი დახასიათების თანახმად, სასჯელის მოხდის პერიოდში, მსჯავრდებული არც დასჯილი ყოფილა და არც წახალისებული. იგი იცავდა დაწესებულების დებულებას, დაწესებულების დღის განრიგსა და სამართლებრივ რეჟიმს. ის ასრულებდა ადმინისტრაციის კანონიერ მოთხოვნებს. დაწესებულების ადმინისტრაციისა და სხვა მსჯავრდებულთა მიმართებაში ის იყო თავაზიანი, არ იყო კონფლიქტური და აგრესიული.

სოციალური განყოფილების სოციალური მუშაკის განმარტებით, ბაქრაძეს აქვს საშუალო განათლება. მან დაამთავრა თბილისის ერთ-ერთი საჯარო საშუალო სკოლა. არის დაოჯახებული, ჰყავს მეუღლე და ოთხი შვილი. იგი ხშირ ვიზიტებს ახორციელებს დაწესებულების ბიბლიოთეკაში და უყვარს კითხვა. ის კითხულობს სხვადასხვა ლიტერატურას, ესწრება დაწესებულებაში გამართული ფილმების ჩვენებებს, ვარჯიშობს დაწესებულებაში არსებულ ტრენაჟორებზე.

ფსიქოლოგის დასკვნის თანახმად, ბაქრაძეს ჩაუტარდა რამდენიმე ინტერვიუ და იგი განსაკუთრებული რისკფაქტორის გარეშეა. მსჯავრდებულს მიღებული აქვს საშუალო განათლება, გარეგნულად მოწესრიგებულია. ინტერვიუირების პროცესში მშვიდი და გაწონასწორებულია, არ ქმნის დაწესებულებაში კონფლიქტურ სიტუაციებს, გამომუშავებული აქვს დროის მართვის უნარები, კითხულობს ბევრს, აქვს სამუშაო გამოცდილება და აწარმოებს ადეკვატურ კომუნიკაციას. მისი ძირითადი მოტივატორი არის ოჯახი და მასზე ზრუნვა. ის ავლენს კოგნიტური უნარების ნორმალურ ხარისხს, საკუთარი შესაძლებლობების შეფასებების კონტექსტში ადეკვატურად საუბრობს სამომავლო გეგმებზე. მსჯავრდებული დანაშაულის შეფასებისას ადეკვატურია, ნეგატიურ კონტექსტში განიხილავს თავის ქცევას, ვლინდება პასუხისმგებლობის განცდა.

ამასთან ერთად იყო სამედიცინო დასკვნა, რომლის მიხედვითაც გეტყვით, რომ მართლა არ ფიქსირდება არანაირი ისეთი დაავადება, რომელიც იყო სულიერი აშლილობის, ან სხვა ფსიქოლოგიური ხასიათის. ეს იყო დახასიათებები, რომლებიც ჩვენ მივიღეთ განაჩენებთან ერთად. ასევე გავეცანით იმ განცხადებას, რომელიც შემოსული იყო პრეზიდენტის სახელზე და რომლის საფუძველზეც დაიწყო შეწყალების პროცედურა.

შეწყალების პროცედურა პირველად 2015 წლის ივლისის კომისიაზე იხილებოდა. მაშინ შეწყალების კომისიამ უარყოფითი დასკვნა გასცა პრეზიდენტთან. რაც შეეხება 2016 წლის ოქტომბერს, ამ დროს კომისიამ მიაწოდა დადებითი რეკომენდაცია, კიდევ ერთხელ ვიმეორებ, იმ მონაცემების გათვალისწინებით, რაც გვქონდა ჩვენ. პრეზიდენტმა სასჯელი ვეფხია ბაქრაძეს მაშინ გაუნახევრა. წელიწადი და ორი თვე იყო დარჩენილი სასჯელის ამოწურვამდე, 2017 წლის 28 დეკემბერს უნდა დაეტოვებინა მას დაწესებულება, მაგრამ შეწყალების მექანიზმის გამოყენებით მან საპატიმრო დაწესებულება დატოვა 2017 წლის 25 მაისს.

ჩვენც გვაქვს ეს ეჭვი, რომ თუ ამ გადაწყვეტილების შემდგომ, ანუ როდესაც პრეზიდენტმა გაუნახევრა სასჯელი ვეფხია ბაქრაძეს, მას საპატიმროდ მოსახდელად დარჩა შვიდი თვე და მას გაუჩნდა შესაძლებლობა, რომ უკვე ვადის გასვლამდე მიემართა დადგენილი წესისა და დებულების შესაბამისად პირობით ვადაზე ადრე გათავისუფლების კომისიისთვის.

ეს ექვსი უარი ნიშნავს იმას, რომ ბოლო ექვსი თვის განმავლობაში ვეფხია ბაქრაძე მიმართავდა უდო-ს კომისიას და ექვსჯერვე მიიღო უარი და როგორც გუშინ მოვისმინეთ, საჯაროდ სამინისტროს წარმომადგენელის მხრიდან, ისინი ეყრდნობოდნენ უარყოფით დახასიათებას.

მაშინ გვიჩნდება კითხვა, რომ თუ უარყოფითად ხასიათდება ეს მსჯავრდებული ბოლო ექვსი თვის განმავლობაში, რვა თვით ადრე რატომ ხასიათდებოდა ასე დადებითად და რატომ მოგვივიდა ჩვენ ასეთი დასკვნა სასჯელაღსრულების და პრობაციის სამინისტროდან? რა, ეს განგებ გააკეთეს?", - აღნიშნა ზვიად ქორიძემ.

საინფორმაციო სააგენტო "ეურუსი" - Media agency Eurus.ge
იხილეთ: სასჯელაღსრულების სამინისტროს წარმომადგენელი - დახასიათება, რომელსაც აგზავნის პენიტენციური დაწესებულება, არ შეიცავს არც დადებით და არც უარყოფით შეფასებას
მთავარი თემა

'ახლა 'ქართული ოცნება' არჩევანის წინაშეა' - 'ევროპული საქართველო' ხორავას ქუჩის საქმეზე უმრავლესობის მიერ მომზადებული დადგენილების განხილვაში მონაწილეობას არ მიიღებს
2019 წლის იანვრიდან პარლამენტი ქუთაისიდან თბილისში გადმოვა
კანაფის კულტივაცია-წარმოებასთან დაკავშირებული კანონპროექტი შესაძლოა, პარლამენტიდან გაიწვიონ
სალომე ზურაბიშვილი - როგორ შეიძლება ეკლესია ამ დონეზე იღებდეს მონაწილეობას საარჩევნო კამპანიაში?
საპატრიარქო - ეკლესია ნებისმიერი სახის მარიხუანას (კანაფის) ნებისმიერი მიზნით მოყვანისა და რეალიზაციის ლეგალიზებას ეწინააღმდეგება
შს სამინისტრო საგამოძიებო სისტემის რეფორმას იწყებს
სალომე ზურაბიშვილი – საქართველო-რუსეთის ომი ვინ დაიწყო? – ცხადია, რუსეთმა
ილია მეორე - რად გვინდა ისეთი ეკონომიკა, თუ დავკარგავთ ჩვენს შვილებს
მამა დავით ისაკაძე - სააკაშვილის რეჟიმსაც ეგონა, რომ უძლეველი იქნებოდა, ასე უნდა იფიქროს დღევანდელმა ხელისუფლებამაც - ვერ გაიმარჯვებენ!
ფინანსთა მინისტრი 'იბერიას' საქმეზე - გინდა ვიდეო ჰქონდეთ, გინდა აუდიო - 50 მილიონი ბიუჯეტში უნდა გადაიხადონ
საქართველოში კანაფის კონტროლის სააგენტო შეიქმნება
მთავრობა განათლების რეფორმის ფარგლებში განსაზღვრული პროექტების განსახორციელებლად რესურსების მობილიზებას იწყებს
არჩილ ტატუნაშვილის საქმეზე ბრალდებულ პირებზე ინტერპოლით ძებნა გამოცხადდა
'ქართული ოცნება' ზუგდიდის მერის და მისი მოადგილის მიერ თანამდებობის დატოვებასთან დაკავშირებით განცხადებას ავრცელებს
მარიხუანას წარმოების გეგმის პარალელურად მისი მოხმარება მკაცრ სამართლებრივ ჩარჩოებში მოექცევა - შსს ინფორმაციას ავრცელებს 

ინტერვიუ
'ქართველი ქალი ძალიან ძლიერია და მასზე დგას ქართული სახელმწიფო' - ბლიც-ინტერვიუ გიორგი კეკელიძესთან
ვინ გახდება საქართველოს პრეზიდენტი? - პოლიტოლოგები მიიჩნევენ, რომ 2018 წლის საპრეზიდენტო არჩევნებზე სასურველი კანდიდატურა ჯერ არ დასახელებულა
ვიდეობლოგი
როგორ 'სელფის' გაუგზავნიდა რომან გოცირიძე პუტინს - 'პარალელურ სამყაროში' (ვიდეობლოგი)
ბოლო სიახლეები
ანალიტიკა
მეცნიერება
რელიგია
ხელოვნება
მოგზაურობა
გარემო
რჩევები
ბლოგი
რა მოხდა დღეს
კულინარია
არქიტექტურა
არქივი
ჩვენს შესახებ
სერვისები
კონტაქტი