Loading...
Close
20 სექტემბერი 2019 05:10
მთავარიჩვენს შესახებსერვისებიკონტაქტი
ყველა სიახლეპოლიტიკაეკონომიკასაზოგადოებასამართალირეგიონიკონფლიქტებიმსოფლიოსამხედროსპორტიმედიაანონსი
პერსონა
მაია დუგლაძე - ხატვა ჩემთვის ჰობი არ არის - ეს ჩემი მდგომარეობაა, რომელიც არ შემიძლია არ გადმოვცე
10 ივლისი 2018 14:55

ავტორი: მარიამ ადამია



მაია დუგლაძე თვითნასწავლი მხატვარია, რომლის შემოქმედებაც რთული ფიგურატიულობით, მრავალფეროვანი თემატიკით და საოცარი ფერადოვნებით ხასიათდება. თუმცა ასევე ბევრია გრაფიკული ნამუშევრები, რომლებშიც ფერები მინიმალისტურადაა გამოყენებული. როცა მის რთულ კომპოზიციებს უყურებ, რთულია დაიჯერო, რომ მას სპეციალური სამხატვრო განათლება არსად მიუღია; პროფესიით ფსიქოლოგი, თვითნასწავლი მხატვარი მაია ერთ-ერთ სახელმწიფო სტრუქტურაში მუშაობს და თავის საყვარელ საქმიანობას ჰარმონიულად უთავსებს. რამდენიმე დღის წინ მაია დუგლაძის პირველი პერსონალური გამოფენა გაიმართა. საკუთარი შემოქმედების და იმის შესახებ, თუ რატომ დაარქვა თავის პირველ პერსონალურ გამოფენას „რეინკარნაცია“ მხატვარი „ეურუსთან“ ინტერვიუში საუბრობს.

: მაია, როდის აღმოაჩინეთ რომ ხატვის ნიჭი გქონდათ?

- მხატვრობა ყოველთვის ძალიან მიყვარდა. ადრეული ბავშვობიდან ვხატავდი, გაცნობიერებულად კი 14-15 წლის ასაკიდან მცირე დეტალების ხატვა დავიწყე. ეს იყო გრაფიკული ნამუშევრები. მივხვდი რომ აბსტრაქტულის ხატვა უფრო საინტერესო იყო, ვიდრე რაღაც-კონკრეტულის. ბოლო 10 წელია ინტენსიურად ვხატავ. არასოდეს არ მივლია არც მასწავლებელთან, არც აკადემია დამიმთავრებია. ვხატავ მხოლოდ იმას, რასაც ემოციით ვგრძნობ და მგონია, რომ გადმომაქვს. დიდი ხანი ვერ ვრისკავდი გამოფენას, მზად არ ვიყავი, მაგრამ ჩემ ცხოვრებაში ეს მომენტიც დადგა.

- თქვენ პირველ გამოფენას „რეინკარნაცია“ დაარქვით. ამბობთ რომ ბოლო დროს თქვენმა ნახატებმა მეტი სიმძაფრე შეიძინა-რა იყო გარდამტეხი, პირად ისტორიას ხომ არ უკავშირდება?

- კი, როცა დავაანონსე ეს გამოფენა, მოკლედ ავხსენი, რომ ჩემზე იმოქმედა ბოლო წლების ძლიერმა დანაკარგმა- 2017 წელი ზოგადად ძალიან მძიმე იყო ჩემთვის, მამა გარდამეცვალა, რამდენიმე თვეში კი ჩემი მეუღლის მამა ჩამოასვენეს, რომელიც 24 წელი აფხაზეთში იყო დაკარგული. ეს ჩემთვის ორმაგად ემოციური სტრესი იყო. ამ მოვლენების შემდეგ უფრო მეტს ვხატავ, არ ვჩერდები და რადგან რეინკარნაცია ნიშნავს გარდაცვალების შემდეგ რაღაც ახლის დაბადებას, გარდასახვას, მივიჩნიე, რომ ამ ემოციებმა რაღაც ახალი მომიტანა მხატვრობის კუთხით; თითქოს ხედვა, მიმართულებები შევცვალე. აქამდე თუ შავ-თეთრს ვხატავდი, ახლა შავზე ოქროსფრით ვხატავ.

- რა უპირატესობა აქვთ თვითნასწავლ მხატვრებს სამხატვრო განათლების მქონე მხატვრებთან შედარებით?

- ზოგადად, ყველა ხელოვან ადამიანს ძალიან დიდ პატივს ვცემ, არა აქვს მნიშვნელობა რომელი მიმართულებით მოღვაწეობს. როდესაც ადამიანი ხელოვანია და რაღაცას ქმნის, ყოველთვის საინტერესოა. რა თქმა უნდა, მგონია, რომ მხატვრისთვის პროფესიული განათლება ძალიან მნიშვნელოვანია და მათი შეფასება ჩემთვის ბევრს ნიშნავს. ისინი ხატავენ თავისი ემოციით, ხატავენ იმას რასაც გრძნობენ და თან იციან - როგორ ხატონ. შესაბამისად, უპირატესობას არ ვგრძნობ. უბრალოდ, ხატვა - ეს ჩემთვის ჰობი არ არის. ეს არის ჩემი მდგომარეობა, რომელიც არ შემიძლია რომ არ გადმოვცე; ჩემთვის ძალიან საინტერესო იქნება ყველა მხატვრის მიერ გაკეთებული ყველანაირი კომენტარი ჩემს ნამუშევრებთან დაკავშირებით.

- ალბათ თქვენი პროფესია-ფსიქოლოგია, ძალიან გეხმარებათ შემოქმედებით პროცესში.

- სამწუხაროდ, არ ვმუშაობ პროფესიით. უკვე თითქმის 11 წელია სახელმწიფო სტრუქტურაში ვარ. ჩემი პროფესია-ფსიქოლოგია ბევრ რამეში მეხმარება, მათ შორის-ადამიანებთან ურთიერთობაში.





- როგორ ფიქრობთ, რა მოსწონთ თქვენს შემოქმედებაში?

- შეფასებები, ზოგადად, ძალიან არაერთგვაროვანია; ვიღაცას მხიარული ფერები მოსწონს, ზოგს კონკრეტული ფორმა, ვიღაცას ჩიტი, ვიღაცას ქალი და ა.შ. ერთი წელია, რაც ფეისბუქზე დაახლოებით 8000-მდე მომწონებელი მყავს. არიან მყიდველები, რომლებსაც ჩემი ნახატის შეძენისას ძალიან დიდი ემოცია ჰქონდათ. მახსოვს ერთი მამაკაცი, რომელმაც მითხრა, რომ პენსიონერია და ჩემი ფერების შეხამება და მათი ჰარმონიულობა ძალიან მოსწონს და თუ ოდესმე მექნებოდა გამოფენა, აუცილებლად მოვიდოდა. ეს ადამიანი გამოფენაზე დავპატიჟე.

- როგორც აღნიშნეთ, თქვენი ნამუშევები იყიდება. როგორ ფიქრობთ, რამდენად შემოსავლიანია საქართველოში მხატვრობა?

- ჩემი ნამუშევრები უკვე ერთ წელია რაც „ფეისბუქით“ მეგობრების წრეში იყიდება. პერიოდულად მაქვს შეკვეთები. მაგალითად, მეუბნებიან, რომ დავხატო საათი ან ხე, დანარჩენი უკვე ჩემეული ინტერპრეტირებით კეთდება. ვერ ვიტყვი, რომ მხატვრობა ჩემთვის შემოსავლის წყაროა. დასაწყისისთვის ალბათ ნორმალურია, თუმცა - არასტაბილური.


No automatic alt text available.

No automatic alt text available.





საინფორმაციო სააგენტო "ეურუსი" - Media agency Eurus.ge
მთავარი თემა

მწვავე კითხვები და შეფასებები - საქართველოს სახალხო დამცველის 2018 წლის ანგარიში (ვიდეო)
გიორგი გახარია - ჩემთვის მიუღებელია მკვლელის, მძიმე დანაშაულის ჩამდენი პირების შეწყალება - რაღაც ფილტრები უნდა გაჩნდეს
'პარტიის ლიდერებს 'პრაიმერის' პრინციპით შევარჩევთ' - მამუკა ხაზარაძემ 'ლელოს' პირველი 12 წევრი წარადგინა
'მე მივიღე გადაწყვეტილება, მე ვარ პასუხისმგებელი' - სალომე ზურაბიშვილი პატიმრების შეწყალებაზე მორატორიუმს აცხადებს
გია ვოლსკი - არ შეიძლება პრეზიდენტმა თვითშემოქმედებით იმოქმედოს - დავით ოთხმეზურის მკვლელობაში მსჯავრდებულის შეწყალება არასწორი გადაწყვეტილებაა
მამუკა ხაზარაძე - ზვიად რატიანმა მოიტანოს დოკუმენტაცია, სადაც ჩემი ხელმოწერით რაღაც არსებობს, თუ არადა მთელი სიმკაცრით აგებს პასუხს - არ უშველის არც ავსტრიაში გაქცევა და არც ნახევრად ლოთური საუბარი
ვიცე-პრემიერების ვინაობა ცნობილია - გიორგი გახარიას ხელმძღვანელობით მთავრობის სხდომა დაიწყო
'იქიდან დამძიმებული გამოვედი' - მამუკა ხაზარაძე ბიძინა ივანიშვილთან შეხვედრის დეტალებზე საუბრობს 
მიხეილ სააკაშვილი - ანაკლიის პორტი უკვე დამთავრებული იქნებოდა, რომ არა ხაზარაძე და ის 'შანტრაბა', რომელმაც მხარი დაუჭირა ივანიშვილს
'ლელო' - მამუკა ხაზარაძის ორგანიზაციის პრეზენტაცია (ვიდეო)
დევიდ კრემერი კონფერენციაზე მომხდარ დაპირისპირებაზე - ის, რაც მოხდა, დაუჯერებელი უხეშობაა
ხატია მოისწრაფიშვილი პრეზიდენტის პრესსპიკერის პოსტიდან ფეისბუქ-პოსტის გამო გაათავისუფლეს
ანდერს ფოგ რასმუსენი - უნდა დაიწყოთ დისკუსიები, მისაღებია თუ არა საქართველო ნატო-ს შეუერთდეს აფხაზეთისა და 'სამხრეთ ოსეთის' გარეშე და მე-5 მუხლმა მხოლოდ ის ტერიტორია მოიცვას, რომელსაც საქართველოს ხელისუფლება აკონტროლებს
კახა კალაძე - 'რუსთავი 2' იყო და იქნება ყოველთვის - 'ქართული ოცნების' პირობებში ჟურნალისტებს ვერავინ შეზღუდავს
ირაკლი ღარიბაშვილი 'გირჩზე' - ამ ორგანიზაციის თუ სექტის საქმიანობა საფრთხეს უქმნის სახელმწიფოს და ჯარის ძლიერებას

ინტერვიუ
'საქართველო გაყიდული იყო, გაყიდული - ქართველების მიერ' - მერაბ მამარდაშვილი
'ადამიანი იბადება თავისუფლად და თუ ამას კარგავ, ან გაკარგვინებენ, ეს არის ყველაზე დიდი ტრაგედია'
ვიდეობლოგი
როგორ 'სელფის' გაუგზავნიდა რომან გოცირიძე პუტინს - 'პარალელურ სამყაროში' (ვიდეობლოგი)
ბოლო სიახლეები
ანალიტიკა
მეცნიერება
რელიგია
ხელოვნება
მოგზაურობა
გარემო
რჩევები
ბლოგი
რა მოხდა დღეს
კულინარია
არქიტექტურა
არქივი
ჩვენს შესახებ
სერვისები
კონტაქტი