Loading...
Close
26 მარტი 2019 20:15
მთავარიჩვენს შესახებსერვისებიკონტაქტი
ყველა სიახლეპოლიტიკაეკონომიკასაზოგადოებასამართალირეგიონიკონფლიქტებიმსოფლიოსამხედროსპორტიმედიაანონსი
მედია
ცაგურია გვარამიას წინააღმდეგ - ნიკა გვარამიამ ქარტიის პირველი პრინციპი დაარღვია
8 ნოემბერი 2018 12:30
საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია "რუსთავი 2-ის" გადაცემა "კვირის აქცენტების" წამყვანმა ნიკა გვარამიამ ქარტიის პირველი პრინციპი დაარღვია, რომელიც ჟურნალისტს ზუსტი ინფორმაციის გავრცელებას ავალდებულებს. მის წინააღმდეგ ქარტიას დაჩი ცაგურიამ მიმართა.

''სადავო გახდა 4 ნოემბერს გადაცემის მსვლელობისას ნიკა გვარამიას მიერ დაჩი ცაგურიას შესახებ საუბრის ეპიზოდი. განმცხადებელი მიიჩნევდა, რომ გვარამიამ არაზუსტი ინფორმაცია გაავრცელა და დაარღვია ქარტიის პირველი პრინციპი. მისი თქმით, ასევე დარღვეული იყო მესამე (დადასტურებული წყარო) და მეთერთმეტე (ფაქტის განზრახ დამახინჯება) პრინციპები, თუმცა საქმის განხილვის შემდეგ საბჭომ მხოლოდ პირველი პრინციპის დარღვევა დაადგინა.

საბჭოს სხდომას ესწრებოდა როგორც განმცხადებელი, ასევე მოპასუხე. გადაწყვეტილების სამოტივაციო ნაწილი მოგვიანებით გამოქვეყნდება'', - ნათქვამია ქარტიის მიერ გავრცელებულ ინფორმაციაში.

საქმე ეხება 4 ნოემბერს, გადაცემაში ნიკა გვარამიას მიერ დაჩი ცაგურიას შესახებ გაკეთებულ განცხადებას.

„ქართული ოცნების“ აქტივისტი რომ არის, „რკინიგზის“ PR-ი - დაჩი ცაგურია... დაჩი ცაგურია და მამამისი ყოფილან გავლენიანი ხალხი სამტრედიაში. რკინიგზელია მამამისი, თუ რაღაცა. დაჩი ცაგურიასთვის უთქვამთ იქაურ ავტორიტეტებს, მათ შორის, ქურდებს და ა.შ. დაელაპარაკე და ისე გააკეთე, რომ სამტრედია მოვიგოთ და მერე ფულს გადავიხდითო. ისიც დაელაპარაკა ამ სკაიპით და უთხრა, რომ ე.წ. „გრევი“, ანუ ფული იქნებაო. წააგეს სამტრედია. ქურდებმა და ავტორიტეტებმა მოითხოვეს „გრევი“, რაზეც დაჩი ცაგურიამ უთხრა, - ''ძალიან დიდი ბოდიში, მაგრამ არ მაძლევენ ფულს იმიტომ, რომ წავაგეთ''-ო.

კარგიო, - უთხრეს ამათმა, - მამაშენმა იცის სად გეძებოს, როცა დაიკარგებიო. დაემუქრნენ ფაქტიურად და არის კატის დღეში, უბედური დაჩი ცაგურია და ასევე, უბედური მამამისი.

შინაგან საქმეთა სამინისტრო მინდა აქედან გავაფრთხილო, რომ საფრთხის ქვეშ არის ეგ კაცი. არ ვიცი თქვენ გითხრათ თუ არა, მაგრამ არის საფრთხის ქვეშ კანონიერი ქურდებისა და ავტორიტეტების მხრიდან და მიაქციეთ ყურადღება იმიტომ, რომ საქართველოს მოქალაქეა და ნამდვილად არ მსურს, დამნაშავეების ხელში მოხდვეს, მითუმეტეს, რომ სხვის დავალებას ასრულებდა. აი, ეს არის „ოცნების“ მოკლე მიმოხილვა - რას შვრება და როგორ შვრება“, - განაცხადა ნიკა გვარამიამ ეთერში.

უფლებადამცველ დაჩი ცაგურიას თქმით, ნიკა გვარამიამ მის მიმართ არაზუსტი ინფორმაცია გაავრცელა და დაარღვია ქარტიის პირველი პრინციპი - ჟურნალისტმა პატივი უნდა სცეს სიმართლეს და საზოგადოების უფლებას მიიღოს ზუსტი ინფორმაცია. მისივე განმარტებით, გვარამიას მხრიდან ასევე დარღვეული იყო მესამე (დადასტურებული წყარო) და მეთერთმეტე (ფაქტის განზრახ დამახინჯება) პრინციპები.

„ის, რაც მან დამაბრალა, სიცრუეა. მე მივმართე პროკურატურასაც გამოძიების დაწყების მოთხოვნით, რადგან რასაც გვარამია მაბრალებს, ეს ქმედება სისხლის სამართლის დანაშაულის ნიშნებს შეიცავს. ვაპირებ მივმართო სასამართლოსაც ცილისმწამებლური ინფორმაციის საჯაროდ უარყოფის მოთხოვნით“, - აღნიშნა დაჩი ცაგურიამ.

საინფორმაციო სააგენტო "ეურუსი" - Media agency Eurus.ge
მთავარი თემა

ბავშვთა პრობლემური საკითხების გადაწყვეტაში, შესაძლოა, სამღვდელო პირები ან სხვადასხვა კონფესიის წარმომადგენლები ჩაერთონ
სოფიო კილაძე - სქესობრივი აღზრდის გაკვეთილები მხოლოდ მშობლის თანხმობით იქნება დასაშვები
სმიტების ოჯახის სამი წევრის მკვლელობაში ბრალდებულ მალხაზ კობაურს ნაფიცმა მსაჯულებმა გამამტყუნებელი ვერდიქტი გამოუტანეს
ირაკლი ღარიბაშვილი - 'ქართული ოცნების' მიერ წარდგენილი კანდიდატები დამაჯერებლად გაიმარჯვებენ
იენს სტოლტენბერგი - იმედი მაქვს, მალე მოგესალმებით ნატო-ში
'მოვახერხე ჩემი ქვეყნის სახელი გამეტანა მსოფლიოს წინაშე' - ლადო აფხაზავას ემოციური გზავნილი ცერემონიალის შემდეგ
სააკაშვილი - ცხრა წელი იყო არა `სისხლიანი`, არამედ - ყველაზე წარმატებული
'სახელმწიფოს ვერ მოუგებ, თან ასეთ ქვეყანაში, როცა სამართალი მართლა საძებნელია'
'ნაციონალური მოძრაობის' ყრილობა
ანაკლიასთან პარტნიორობა მამუკა ხაზარაძესთან ერთად სანაპიროზე სეირნობა არ არის - მაია ცქიტიშვილი
'სამწუხაროდ, ისეთ საზოგადოებაში ვცხოვრობთ, სადაც ნახევრად სიმართლე მიზნების მისაღწევად სერიოზული ინსტრუმენტია'
'ხომ გახსოვთ წერილზე ბრალდებას რა რეაქცია მოჰყვა 'თიბისი' ბანკის მფლობელებისგან? 'არა, ასეთ შემთხვევას ადგილი არ ჰქონია' - გიორგი გახარია 
პარლამენტში ინტერპელაციის წესით პრემიერ-მინისტრ მამუკა ბახტაძეს მოუსმინეს
ფადი ასლი პრემიერ-მინისტრს ღია წერილით მიმართავს
გია ხუხაშვილი - დარწმუნებული ვარ, პარლამენტარების 80% ივანიშვილის თვალის ჩაპაჭუნებას ელოდება, რომ ირაკლი კობახიძეს თავ-ყბა დაუნგრიოს

ინტერვიუ
'ადამიანი იბადება თავისუფლად და თუ ამას კარგავ, ან გაკარგვინებენ, ეს არის ყველაზე დიდი ტრაგედია'
გოგა ჩანადირი - ჩვენს საზოგადოებას სჭირდება განათლება, რომ სიახლეებს არ შეუშინდეს, რომ ბოღმაზე და შურზე მაღლა დადგეს
ვიდეობლოგი
ანდაზირებული პოლიტიკოსები - დავით ზურაბიშვილი (ვიდეობლოგი)
ბოლო სიახლეები
ანალიტიკა
მეცნიერება
რელიგია
ხელოვნება
მოგზაურობა
გარემო
რჩევები
ბლოგი
რა მოხდა დღეს
კულინარია
არქიტექტურა
არქივი
ჩვენს შესახებ
სერვისები
კონტაქტი