Loading...
Close
19 მარტი 2019 09:38
მთავარიჩვენს შესახებსერვისებიკონტაქტი
ყველა სიახლეპოლიტიკაეკონომიკასაზოგადოებასამართალირეგიონიკონფლიქტებიმსოფლიოსამხედროსპორტიმედიაანონსი
პრესის დაიჯესტი
აშშ-ში დააკავეს მილიონრები, რომლებიც უნივერსიტეტებში შვილების მოსაწყობად ქრთამს იხდიდნენ
13 მარტი 2019 17:21
აშშ-ს საგამოძიებო სამსახურებმა კორუფციული სქემა გახსნეს, რომლითაც, მათი თქმით, მდიდარი მშობლები ქრთამითა და გაყალბებული მასალებით შვილების პრესტიჟულ სასწავლებლებში მოწყობას ცდილობდნენ. პასუხისგებაში მიცემულ პირთა შორის არიან მსახიობები – ფელისიტი ჰაფმანი და ლორი ლოულინი. ჰაფმანი ქართველი მაყურებლისთვის ცნობილი გახდა სერიალიდან “სასოწარკვეთილი დიასახლისები”.

ამერიკის შეერთებული შტატების იუსტიციის დეპარტამენტის განცხადებით, მრავალმილიონიანი სქემის ფარგლებში, მშობლები კოლეჯების სტანდარტებისათვის გვერდის ავლას მოტყუებით ცდილობდნენ. როგორც USA TODAY ფედერალური პროკურორებზე დაყრდნობით წერს, სქემაში 50-მდე ადამიანია გარეული. გამოძიების თანახმად, მდიდარი მშობლები, სავარაუდოდ, ქრთამს უხდიდნენ კოლეჯების მწვრთნელებსა და საგამოცდო ცენტრების თანამშრომლებს, რათა თავიანთი შვილების ცნობილ უნივერსიტეტებში მოწყობაში დახმარებოდნენ.

“საუბარია სიმართლის დაფარვასა და გაყალბებაზე – ტესტების ყალბ ქულებზე, ყალბ დამსახურებებზე, ყალბ ფოტოებზე, კოლეჯების მოსყიდულ წარმომადგენლებზე”, – აღნიშნა მასაჩუსეტსის პროკურორმა ენდრიუ ლელინგმა, ბოსტონში 12 მარტს გამართულ პრესკონფერენციაზე.

რადიო NPR-ს ცნობით, სქემაში ფიგურირებს ისეთი ცნობილი უნივერსიტეტები, როგორებიც არიან სტენფორდი და იელი.

ბრალდებულთა შორის არიან ჰოლივუდის სახეები და ამერიკაში ცნობილი ბიზნესმენები. ლოს ანჯელესის სასამართლოს გადაწყვეტილებით, დაკავებულთა შორის მყოფი მსახიობი ფელისიტი ჰაფმანი $250 000-იანი გირაოს სანაცვლოდ გათავისუფლდება, მსახიობ ლორი ლოულინის ქმარი კი – $1 000 000-იანი გირაოს სანაცვლოდ. თავად ლოულინი, რომელიც ასევე სქემაშია გარეული, ამ დროისთვის დაკავებული არ არის.

New York Times-ის თანახმად, ფინანსური სქემის ცენტრში უილიამ სინგერი დგას – კომპანიის დამფუძნებელი, რომელიც სტუდენტების მშობლებს დოკუმენტების გაყალბებაში ეხმარებოდა და კოლეჯების მწვრთნელებს კონკრტული პირების სასწავლებელში მისაღებად ფულს უხდიდა. ძირითადად, საუბარია სპორტული მიმართულებით გაყალბებულ პრივილეგიებში. როგორც წესი, ამერიკული უნივერსიტეტები, გარდა აკადემიური მოსწრებისა, სტუდენტების მიღებისას დიდ ყურადღებას აქცევენ მათ მიღწევებს სპორტისა და ხელოსვნების სფეროებში. მილიონერ მშობლებს სწორედ ამისთვის სჭირდებოდათ ამ მიმართულებით თავიანთი შვილების შედეგების გაყალბება. საქმეში არაერთი მტკიცებულებაა, მათ შორის აუდიო ჩანაწერები.

50 ბრალდებულიდან 33 მშობელია. ისინი მზად იყვნენ, 15 000-დან 75 000 დოლარამდე გადაეხადათ თითოეულ ტესტში, რომლის შედეგებიც, შემდგომ, მათი შვილების სასარგებლოდ, სხვადასხვა გზით ყალბდებოდა.

უნივერსიტეტებმა გამოძიების შედეგებს სწრაფად უპასუხეს. ზოგიერთმა მათგანმა უკვე განაცხადა, რომ სქემაში ჩართული პირები სამსახურიდან გაათავისუფლეს.

“ამ საქმის რალური მსხვერპლები არიან ბეჯითი სტუდენტები, რომლებიც ჩანაცვლდნენ გაცილებით ნაკლებად კვალიფიციური სტუდენტებითა და მათი ოჯახებით, რომელთაც უნივერსიტეტში მოხვედრის გზა უბრალოდ იყიდეს”, – განაცხადა პროკურორმა ლელინგმა.



მომზადებულია ნეტგაზეთის მიერ

საინფორმაციო სააგენტო "ეურუსი" - Media agency Eurus.ge
მთავარი თემა

ბესელია ზარდიაშვილს - პატარა ზონდერი ხარ, ჭუჭრუტანიდან რომ იყურებოდი
იურიდიულ საკითხთა კომიტეტმა ირაკლი კობახიძის და 6 დეპუტატის მიერ მომზადებულ კანონპროექტს მხარი დაუჭირა
ვანო ზარდიაშვილი - 'კლანი' არასამთავრობო სექტორში საია-ს აქვს, ჰკითხეთ 'შავრაზმელებს', 'შავმაიკიანებს', რამდენს ჰქონდა შეხება საია-სთან
'ნაციონალური მოძრაობის' თავმჯდომარის თანამდებობაზე გრიგოლ ვაშაძეს დავუჭერდი მხარს - სააკაშვილი პოსტს ტოვებს
'ნატო-საქართველოს სწავლება 2019' ოფიციალურად გაიხსნა
მორაგბეთა ნაკრების კაპიტანი - მაისურები გვეცვა იმის დასტურად, რომ სამაჩაბლო და აფხაზეთი არის საქართველო
სოფელ ხურვალეთის მცხოვრებლები - არანაირი რუსი არ შემოსულა! დაგვანებეთ თავი! თქვენ წახვალთ და ჩვენ აქ უბედურებაში უნდა დაგვყაროთ
რა ხდება ხურვალეთში - 'რუსმა ჯარისკაცებმა უკვე დატოვეს ის ადგილები, სადაც დღეს იყვნენ განლაგებულები'
არასამთავრობოები პარლამენტში მივიდნენ მაისურებიზე წარწერით - 'კლანი უნდა წავიდეს'
ახალ ზელანდიაში მეჩეთებზე თავდამსხმელის იარაღის ფოტოზე სხვადასხვა ადამიანთან ერთად, დავით სოსლანისა და დავით აღმაშენებლის სახელებიც აწერია
'კრწანისის' სასწავლო ცენტრში ახალწვეულის მიმართ ფიზიკური ძალადობისა და გამოძალვის ფაქტზე ორი პირი დააკავეს
ნატო-ს გენერალური მდივანი გალში ირაკლი კვარაცხელიას გარდაცვალების ფაქტს გამოეხმაურა
ირაკლი სესიაშვილი - თუ ასე გაგრძელდა, მღვდელმსახური უფრო მეტი გვეყოლება, ვიდრე ჯარისკაცი
აშშ-ს სახელმწიფო დეპარტამენტის ანგარიშის თანახმად, საქართველოში ადგილი ჰქონდა სასამართლო დამოუკიდებლობაში და მიუკერძოებლობაში ჩარევას
'ბანკი ქართუ' 'რუსთავი 2'-ის წინააღმდეგ სარჩელის შეტანას აპირებს

ინტერვიუ
'ადამიანი იბადება თავისუფლად და თუ ამას კარგავ, ან გაკარგვინებენ, ეს არის ყველაზე დიდი ტრაგედია'
გოგა ჩანადირი - ჩვენს საზოგადოებას სჭირდება განათლება, რომ სიახლეებს არ შეუშინდეს, რომ ბოღმაზე და შურზე მაღლა დადგეს
ვიდეობლოგი
ანდაზირებული პოლიტიკოსები - დავით ზურაბიშვილი (ვიდეობლოგი)
ბოლო სიახლეები
ანალიტიკა
მეცნიერება
რელიგია
ხელოვნება
მოგზაურობა
გარემო
რჩევები
ბლოგი
რა მოხდა დღეს
კულინარია
არქიტექტურა
არქივი
ჩვენს შესახებ
სერვისები
კონტაქტი