Loading...
Close
10 დეკემბერი 2019 14:45
მთავარიჩვენს შესახებსერვისებიკონტაქტი
ყველა სიახლეპოლიტიკაეკონომიკასაზოგადოებასამართალირეგიონიკონფლიქტებიმსოფლიოსამხედროსპორტიმედიაანონსი
საზოგადოება
'რეალობა ჩვენგან უნდა გაიგოს საზოგადოებამ' - გარდაცვლილი 16 წლის გოგონას კლასელები დეტალებს ყვებიან
29 მაისი 2019 17:56
ლაგოდეხის ნაკრძალში, ექსკურსიაზე მყოფი 16 წლის გოგონას გარდაცვალებასთან დაკავშირებით, კლასელები, რომლებიც თვითმხილველები არიან, „ფეისბუქზე“ ასაჯაროვებენ წერილს, სადაც ყველაფერს დეტალურად აღწერენ.

„ტრაგედია, რომელიც გვტკივა და არასდროს დაგვავიწყდება…

მაშველებმა მდინარეში ჩავარდნილი 16 წლის გოგოს ცხედარი იპოვეს
დიდ ტრაგედიას ათასი მითქმა-მოთქმა მოჰყვა. გვესმის უამრავი ჭორი , რაც გამოწვეულია იმით, რომ ჩვენ ველოდებოდით გამოძიების დასრულებას და ამიტომ არ ვაკეთებდით კომენტარებს. საგულისხმოა, რომ თვითმხილველები ვართ და ბუნებრივია, რეალობა ჩვენგან უნდა გაიგოს საზოგადოებამ. სიმძაფრის გამო ( თუმცა, ამბავი ისედაც მძაფრია!) მედია ჭრის კადრებს და არ აწვდის საზოგადოებას სრულ ინფორმაციას, რომელიც უნდა იტევდეს სიმართლეს.ამიტომ ჩავთვალეთ აუცილებლად ყველა დაინტერესებულ პირს მივაწვდინოთ ჩვენი ხმა, როგორ დატრიალდა ეს ტრაგედია ჩვენს თვალწინ…(კიდევ ვიმეორებთ, ეს ჩვენი დიდი ტკივილია!).

ექსკურსიამდე ათი დღით ადრე კლასმა გადავწყვიტეთ წავსულიყავით ლაგოდეხის ნაკრძალში,გურგენიანის ჩანჩქერის სანახავად.ხშირად ვამოწმებდით ამინდის პროგნოზს, 26 მაისს (არ წვიმდა), დილით 7 საათზე შევიკრიბეთ სკოლასთან, მოსწავლეები, სამი მასწავლებელი, სკოლის ექიმი. სოფი არ მოსულა, ეგონა, რომ 8 საათზე ვიკრიბებოდით, დაგვირეკა, გადაამოწმა და დედამისი და სოფი დაგვხვდნენ ისთფოინთთან. სოფი შემოგვიერთდა და გზა განვაგრძეთ.( ერთად გატარებული ბოლო ბედნიერი წუთები მგზავრობისას არასდროს დაგვავიწყდება!)

11 საათზე ვიყავით ლაგოდეხის ნაკრძალთან. არავინ დაგვხვედრია, არც ამკრძალავი ნიშანი შეგვხვედრია, ვნახეთ ,რომ ტურისტებიც იმ გზით მიდიოდნენ და ჩვენც გავუყევით გზას. როცა გავიარეთ დაახლოებით 100 მეტრი, უცებ, მოსწავლეებმა ვიფიქრეთ, რომ ამხელა სავალზე მოგვშივდებოდა და ამიტომ ლანჩის ასაღებად ავტობუსისაკენ ორი მოსწავლე მიტრიალდა,სპორტის მასწავლებელიც უკან გამოგვყვა. დანარჩენებმა ნელა გავაგრძელეთ გზა.დავინახეთ ხანშიშესული კაცი ( რეინჯერი), რომელსაც ჩვენთვის ყურადღება არ მოუქცევია,არაფერი უკითხავს, არაფერი ურჩევია.შემდეგ შევხვდით ჩვენ ,რომლებსაც ლანჩი მოგვქონდა, ჩვენთან ერთად მყოფმა სპორტის მასწავლებელმა გააჩერა ( თვითონ არ გაჩერებულა!) და ჰკითხა, უსაფრთხო იყო თუ არა ჩანჩქერზე ასვლა, რადგან ვიცოდით, რომ ორი კვირის წინ იყო წყალდიდობა კახეთში და საშიშროებას ხომ არ წარმოადგენდა იქ ასვლა.მისგან მივიღეთ პასუხი, რომ წყალდიდობამ გააფუჭა გზები, გვირჩია სხვა გზით წავსულიყავით, იქ არანაირი საშიშროება არ გველოდა.ჩვენ დავეწიეთ ჯგუფს, ვუთხარით რეინჯერის ნათქვამი და ყველამ ერთად გავაგრძელეთ გზა. ყველა ერთი ტემპით ვერ მივდიოდით, ამიტომ დავიყავით რამდენიმე ჯგუფად.

„16 წლის ბავშვი არ შეიძლება იყოს პასუხისმგებელი იმაზე, რაც დაემართა" - გარდაცვლილის და
სამივე ჯგუფს ჰყავდა თითო მასწავლებელი ხელმძღვანელი. სოფიმ გზის დიდი ნაწილი გაიარა მესამე ჯგუფთან, თუმცა, იმის გამო რომ ძალიან უნდოდა ჩანჩქერზე ასვლა, დაწინაურდა და მეორე ჯგუფისკენ გაეშურა. ავედით…ნაწილმა ფოტოები გადავიღეთ, სპორტის მასწავლებელთან ერთად,რომელიც პირველ ჯგუფს ხელმძღვანელობდა შევედით წყალში და გავგრილდით( იქვე ბანაობდნენ ტურისტებიც და ადგილობრივებიც, სახიფათო არაფერი ჩანდა!). ამის შემდეგ ავედით დიდ ლოდზე, დავსხედით და ველოდებოდით დანარჩენ ჯგუფებს. ჩვენ ვხედავთ როგორ მოდის ჯგუფი და მოჰყვებათ უკან სოფი, რომელიც ჩვენამდე არ მოსულა. სადაც ვისხედით იქიდან ჩანდა(დაახლოებით, 30 მეტრში), როგორ მოიხსნა ჩანთა, შევიდა მუხლებამდე წყალში (ამ დროს წყალში არავინ იყო).

დაახლოებით ხუთ წამში მოხდა ყველაფერი. დაწვა მუცელზე, ორჯერ ხელი მოიქნია, ისეთი სიღრმის წყალში, რომ ხელით ქვებსაც კი ეხებოდა.წამებში სახით ჩვენკენ შემოტრიალდა,გვიყურებდა, გვიცინოდა. ვერ აანალიზებდა, რომ დინებას სამმეტრიან ჩანჩქერისკენ მიჰყავდა,წამიერად ხელი მოჰკიდა ლოდს, თუმცა თავი ვერ გაიმაგრა და წყლის დიდმა ნაკადმა მორევში ჩაითრია. ტურისტებმა დაინახეს, რომ დინებას არსად წაუყვანია. სავარაუდოდ, ქვის ქვეშ უნდა ჩაეთრია მორევს, ამიტომ ტურისტებს გამოვართვით თოკი, სპორტის მასწავლებელმა მოიბა წამებში და შევარდა მორევში. მასაც ითრევდა წყალი შიგნით, უკან გამოვიყვანეთ თოკით. შემდეგ ეს თოკი მოიბეს ადგილობრივმა ბიჭებმა და შევიდნენ, თუმცა ამაოდ.

საუბედუროდ, ამხელა გზაზე არცერთი რეინჯერის პოსტი არ იყო, არც SOS-ის ყუთი და იმის გამო რომ მობილური არ იჭერდა, ოთხნი გავიქეცით ავტობუსისაკენ და გზაში დავუკავშირდით 112-ს.

ტრაგედია დატრიალდა 14:50 სთ-ზე, დავრეკეთ 15:30სთ-ზე, სამაშველო მოვიდა 17:35სთ-ზე. ამის შემდეგ სამაშველომ იგივე მოიმოქმედა, რაც ჩვენ, მაგრამ ამაოდ. მათგან მივიღეთ ინფორმაცია, რომ სადაც სოფი ჩავარდა, იყო 4 მ. სიღრმის თხრილი. ასევე მათგან გავიგეთ, რომ მაგ ადგილას სხვა წლებშიც დაღუპულან ადამიანები, თუმცა ასეთი უბედური შემთხვევები ისევ გრძელდება.

სიტყვები ვერ გადმოსცემს იმ უბედურებას, რაც იქ ხდებოდა. ფაქტობრივად, დამრიგებელი უგონო მდგომარეობაში იყო და გადაიყვანეს საავადმყოფოში. მოსწავლეები კი ექიმთან და ორ მასწავლებელთან ერთად წაგვიყვანეს საპატრულო განყოფილებაში.

სოფი! შენ ჩვენი გულის უდიდესი ნაწილი წაიღე…ეს უბედური შემთხვევა ჩვენთვის სამარადისო ტკივილია…

ჩვენ, სოფი ნიკოლეიშვილის თანაკლასელები, დღეს ვიღებთ სამძიმარს, რადგან ეს საშინელი ტკივილი ჩვენი ცხოვრების ნაწილად იქცა. მადლობას ვუხდით ჩვენი სკოლის ყველა მოსწავლეს, რომლებიც ჩვენ გვისამძიმრებენ. მადლობა ჩვენი სკოლის უმცროსკლასელებს და ზოგადად მოსწავლეებს, რომლებმაც ჩაშალეს ყველა სახის საგაზაფხულო ღონისძიება… მწუხარება უსაზღვროა. ვფიქრობთ, სიტყვებსაც არ აქვთ იმხელა ძალა, რომ ოჯახს თანაგრძნობა გამოვუცხადოთ… ფაქტობრივად, ჩვენც ოჯახის წევრები ვართ.” – წერენ მისი კლასელები წერილში, რომელსაც „ფეისბუქზე“ ასაჯაროვებენ.

ლაგოდეხის ნაკრძალში გარდაცვლილი 16 წლის გოგონას ოჯახის წევრები, მომხდარზე პასუხისმგებლობას იმ პირებს აკისრებენ, რომლებსაც ექსკურსიაზე წაყვანილ ბავშვებზე ზრუნვა ევალდებოდათ.

როგორც გარდაცვლილის და სალომე ბარკერი ამბობს, ბავშვი არ შეიძლება ამ ტრაგედიაზე თავად იყოს პასუხისმგებელი.

„16 წლის ბავშვი არ შეიძლება იყოს პასუხისმგებელი იმაზე, რაც დაემართა,“ – ამბობს გარდაცვლილის და „რუსთავი 2-თან“.

საინფორმაციო სააგენტო "ეურუსი" - Media agency Eurus.ge
იხილეთ: მაშველებმა ლაგოდეხში, მდინარეში ჩავარდნილი 16 წლის გოგოს ცხედარი იპოვეს
მთავარი თემა

ბიძინა ივანიშვილის განცხადება - იმედგაცრუებული ვარ, ვერ მოხერხდა, ხორცი შესხმოდა ჩვენს ინიციატივას
მოძრაობა 'სირცხვილიას' და 'შეცვალეს' აქტივისტებმა პარლამენტის წინ გზა გადაკეტეს - LIVE
ირაკლი კობახიძე - სიმშვიდე სჭირდება ქვეყანას - არავითარ რიგგარეშე არჩევნებზე საუბარი არაა, უნდა მოვემზადოთ 2020 წლის არჩევნებისთვის
თამარ ჩუგოშვილმა, ირინა ფრუიძემ, გიორგი მოსიძემ, დიმიტრი ცქიტიშვილმა, თამარ ხულორდავამ და სოფიო ქაცარავამ საპარლამენტო უმრავლესობა დატოვეს
მიხეილ სააკაშვილი - ბიძინა ივანიშვილმა მოსახლეობა გააცუცურაკა - ხალხი უნდა დაირაზმოს!
არჩილ თალაკვაძე - საპარლამენტო არჩევნები ჩატარდება 3%-იანი ბარიერით, ბლოკებითა და შერეული სისტემით
პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილებები კენჭისყრაზე ჩააგდო
როუზ გოტმიოლერი - საქართველო გახდება ნატოს წევრი, ბუქარესტის სამიტის გადაწყვეტილება ძალაშია!
მიხეილ ბატიაშვილი განათლების მინისტრის თანამდებობას ტოვებს
საუკეთესო არჩევანი ტურისტებისთვის - საქართველო Emerging Destination Award ჯილდოს გამარჯვებული გახდა
'ერს ჰყავს პიდარასტიის, მამათმავლობის ცოდვით შეპყრობილი სინოდის თავმჯდომარე' - მეუფე პეტრე მღვდელმთავრობიდან გადააყენეს
აშშ-ის წარმომადგენელთა პალატამ საქართველოს მხარდამჭერი ორპარტიული აქტი დაამტკიცა
თურქეთის თავდაცვის უწყება - ჩრდილოეთ სირიაში ახალი ოპერაციის დაწყების საჭიროება არ არსებობს
გენერალური პროკურატურა მამუკა ხაზარაძის მიერ უწყებაში ჩაბარებულ 'მუქარის წერილის' დედანთან დაკავშირებით განცხადებას ავრცელებს
ვახტანგ გომელაური, სოსო გოგაშვილი და ირაკლი ჩიმაკაძე გენერალურ პროკურატურაში დაიკითხნენ

ინტერვიუ
'საქართველო გაყიდული იყო, გაყიდული - ქართველების მიერ' - მერაბ მამარდაშვილი
'ადამიანი იბადება თავისუფლად და თუ ამას კარგავ, ან გაკარგვინებენ, ეს არის ყველაზე დიდი ტრაგედია'
ვიდეობლოგი
როგორ 'სელფის' გაუგზავნიდა რომან გოცირიძე პუტინს - 'პარალელურ სამყაროში' (ვიდეობლოგი)
ბოლო სიახლეები
ანალიტიკა
მეცნიერება
რელიგია
ხელოვნება
მოგზაურობა
გარემო
რჩევები
ბლოგი
რა მოხდა დღეს
კულინარია
არქიტექტურა
არქივი
ჩვენს შესახებ
სერვისები
კონტაქტი