Loading...
Close
22 ივნისი 2018 23:00
მთავარიჩვენს შესახებსერვისებიკონტაქტი
მთავარი თემა
პარლამენტის დროებითი საგამოძიებო კომისიის მესამე სხდომას ზაზა სარალიძე ესწრება
დღის თემა
მარიამ ჯაში - სახელმწიფო მდივანი არაპოლიტიკური თანამდებობა იქნება
ეკონომიკა
ნიკოლოზ გაგუა - ინიცირებული რეფორმები ორიენტირებულია ინკლუზიურ ეკონომიკურ ზრდაზე
ახალი ამბები »»»
ვიდეო
ბაია დვალიშვილის მიმართვა - მგონი, ჩვენი წუთებია დათვლილი ამ ქალაქში! ტირილამდე ვარ მისული! 
წულუკიანი ანა სუბელიანზე - ბევრჯერ გავეცი პასუხი, მაგრამ მემორიალზე ცეკვავდა და არ ეცალა
ნიკა მელია გიორგი გახარიასთან მიიჭრა
პოლიტიკასაზოგადოებასამართალირეგიონიკულტურაკონფლიქტებიმსოფლიოანონსი
ეკონომიკა
'შრომის უსაფრთხოების შესახებ' კანონი - ბიზნესომბუდსმენი განცხადებას ავრცელებს
გამოქვეყნების დრო – 5 თებერვალი 2018 18:39
საქართველოს პარლამენტში „შრომის უსაფრთხოების შესახებ’’ კანონის მიმდინარე განხილვასთან დაკავშირებით ბიზნესომბუდსმენი განცხადებას ავრცელებს.

''საქართველოს ბიზნესომბუდსმენის აპარატი დადებითად აფასებს იმ ფაქტს, რომ კანონპროექტის განხილვის პროცესში და სამუშაო ჯგუფის მუშაობაში ჩართულები არიან ბიზნეს-ასოციაციების წარმომადგენლები და მათ საშუალება აქვთ, შესაძლებლობის ფარგლებში, დააფიქსირონ საკუთარი შენიშვნები და მოსაზრებები. აღსანიშნავია, რომ პარლამენტში მიმდინარე განხილვებს საქართველოს ბიზნესომბუდსმენის აპარატის წარმომადგენლებიც ესწრებოდნენ, ასევე, გავმართეთ აქტიური კონსულტაციები საქართველოში მოქმედ ბიზნეს- ასოციაციებთან.

ბიზნეს-სექტორი მიესალმება და მხარს უჭერს ევროპასთან ასოცირების ხელშეკრულების ვალდებულებებიდან გამომდინარე ქმედითი ნაბიჯების გადადგმას, რაც, თავის მხრივ, ქვეყანაში მაღალი სტანდარტის პროდუქციის, თუ სერვისების წარმოებას უკავშირდება, მათ შორის, შრომის უსაფრთხოების დაცვის მიზნით განხორციელებულ ღონისძიებებს. თუმცა აღსანიშნავია, რომ კანონპროექტის განხილვის პროცესში არსებობს რიგი საკითხები, რომელთა გათვალისწინებაც, ბიზნესის და ბიზნესის სფეროში დასაქმებულების ინტერესებიდან გამომდინარე, აუცილებელია - ცხადი რეგულაციების შემუშავების, გაურკვევლობებისა და ბიზნესის საქმიანობის რაიმე სახით ხელის შეშლის თავიდან აცილების მიზნით", - ნათქვამია განცხადებაში.

კანონპროექტის უკანასკნელი ვერსიიდან გამომდინარე, ბიზნესომბუდსმენის აპარატს აქვს შემდეგი რეკომენდაციები:

სანქციების ოდენობა - სანქციების ოდენობა და კომბინაცია უნდა იყოს პროპორციული და ადეკვატური, რაც ხელს შეუწყობს კანონპროექტის ეფექტურობას. სანქციების ოდენობა დიდ ტვირთს არ უნდა აკისრებდეს ბიზნესს, განსაკუთრებით მცირე ზომის ბიზნეს სუბიექტებს.
კანონის ამოქმედების ვადები - კანონპროექტის, ისევე როგორც მისგან გამომდინარე კანონქვემდებარე აქტების ამოქმედების ვადები უნდა განისაზღვროს გონივრულად, რათა ბიზნესს მიეცეს ადეკვატური დრო გაეცნოს ახალ რეგულაციებს/რეგლამენტებს და თავისი საქმიანობა შესაბამისობაში მოიყვანოს ახალ ვალდებულებებთან. რა თქმა უნდა გასათვალისწინელებელია მძიმე, მავნე, საშიში და მომეტებული საფრთხის შემცველი ობიექტებთან მიმართებაში მისი სწრაფად ამოქმედების მნიშვნელობა.

დამსაქმებლის და დასაქმებულის პასუხისმგებლობა - მნიშვნელოვანია, რომ დამსაქმებელი და დასაქმებული თანაბარ უფლებრივ მდგომარეობაში აღმოჩნდნენ ამ კანონის ძალაში შესვლის შემდეგ. დასაქმებულის ბრალეულობით (განზრახვით ან უხეში გაუფრთხილებლობით) შემთხვევის დადგომისას, არ დადგეს დამსაქმებლის პასუხისმგებლობა.

ადმინისტრირების და კანონის მოთხოვნების შესაბამისობის უზრუნველყოფა - დაზუსტებას მოითხოვს ისეთი საკითხები, როგორებიცაა - მძიმე, მავნე და საშიშპირობებიანი სამუშაოების საქმიანობათა რეგისტრაცია, პროფესიული დაავადებების აღრიცხვა, დასაქმებულთა უბედური შემთხვევის დაზღვევა და დასაქმებულების სამედიცინო შემოწმება. მნიშვნელოვანია, კანონით განისაზღვროს რეგისტრაციას დაქვემდებარებული კონკრეტული მონაცემები, ვინაიდან, დიდი ალბათობით, ეს იქნება პირადი სახის მონაცემები.

სახელმწიფოს თანამონაწილეობა შრომის უსაფრთხოების სისტემის ეფექტურ დაგეგმარებაში - საქართველოში შრომის უსაფრთხოების სპეციალისტების სიმცირის გათვალისწინებით, მიზანშეწონილია პროფესიული გადამზადების კუთხით პროგრამების არსებობა, რათა რიგ საწარმოებს არ გაუჭირდეთ შიდა შრომის უსაფრთხოების სისტემის კანონის მოთხოვნების შესაბამისობაში მოყვანა, განსაკუთრებით ეს შეეხება მცირე და საშუალო მეწარმეებს.
ბიზნესომბუდსმენის აპარატი მიესალმება საქართველოს პარლამენტის მზაობას ფართო და გამჭირვალე სადისკუსიო ფორმატის შექმნასთან დაკავშირებით.

საინფორმაციო სააგენტო "ეურუსი" - Media agency Eurus.ge
ახალი ამბები
ინტერვიუ
ვიდეობლოგი
ანალიტიკა
განათლება
ხელოვნება
ჯანდაცვა/მედიცინა
მედია
ციტატები/ფრაზები
მეცნიერება
რელიგია
საინტერესო
ამინდი
ვალუტის კურსი
რა მოხდა დღეს
არქივი
პერსონა
ბლოგი
მოგზაურობა
ფლორა და ფაუნა
არქიტექტურა
გარემო
გასტრონომია
მოდა/სტილი
ფოტოამბავი
ჰოროსკოპი
ჩვენს შესახებ
სერვისები
კონტაქტი
საინფორმაციო სააგენტო "ეურუსი" - Media Agency Eurus.ge